Ƀơi mông bưp bơ ră ruai, yă Trương Thị Mai bơni kơ boh tơhnal pơđĭ kyar mơ̆ dêh čar Japan dưi ngă thun blan rơgao; laih dơ̆ng lăi pơthâo tơlơi pơhing kơ boh tơhnal bơwih ƀong huă mơnuih mơnam, bruă pơtom hiăp mơ̆ng Việt Nam mơ̆ng akŏ rơwang bruă ping gah tal XIII truh ră anai.

Kơ bruă ngă pơ anăp adih, dua bơnah tŭ ư kơtưn bruă ngă đăo kơnang nao rai bruă kơđi čar hăng thâo hluh tơdruă, kơnang kơ bruă rô nao rai pơtom hiăp dua bơnah djop gưl khua mua; djă pioh hăng pơđĭ tui boh tơhnal tui tơlơi phiăn ngă hrŏm hăng pơtom hiăp plah wah dua bơnah ping gah, kơnuk kơna, anom bruă khua pơ ala mơnuih ƀôn sang dêh čar, anom bruă khul mơnuih ƀôn sang laih anun djop tơring čar dua bơnah; gir run pơtrut ngă hrŏm bơwih ƀong huă sĭ mơdrô, tuh pơ alin amăng bruă mă dua bơnah hơmâo tơlơi gêh găl kiăng pơđĭ kyar hrŏm ƀơi dua bơnah dêh čar.