VOV4.Jarai - Tlam lơ 12/3, Ping gah tơring čar, Khul pơ ala mơnuih ƀon sang, Jơnum min mơnuih ƀon sang, Jơnum min djop djuai ania mơnuih mơnam Việt Nam tơring čar Kontum hơmâo pơphun mông bưp ƀô̆ mơta, ƀing mơnuih pơ ala brơi ƀing mă tơlơi pơhing, ƀing adôh suang, čih boh pia hăng ƀing kơhnâo kơhnăk hơmâo lu tơlơi pơgôp hiăp hăng khua mua tơring čar Kontum. Sit biă ñu hơdôm hơdră kiăng kơ ngă tui na nao tơlơi gơgrong mơng ƀing mă tơlơi pơhing phrâo ră anai.

Mông bưp ƀô̆ mơta

Tơlơi dŏ tơdu, kơƀah gơnam tam măi mok, biên chế hăng prăk kak mơng anom mă tơlơi pơhing phrâo. Lăi pơthâo kơ sa, dua tơlơi mơ̆ ƀing mă tơlơi pơhing phrâo, ƀing thâo čih boh pia hăng mơnuih kơhnâo kơhnăk đing nao, Khua  git gai Ping gah tơring čar Kontum ơi Dương Văn Trang brơi thâo, amăng 5 thun pơ anăp anai tơring čar pơkă pla phrâo 15.000 ektar glai kyâo hăng gơgrong amăng bruă pơgang glai rưng glăk hơmâo ră anai. Khut khăt pơsir hĭ bruă ngă soh amăng wai pơgang glai; hrŏ trun mrô sang anŏ ƀun rin ƀơi kual mơnuih djuai ania ƀiă; jak iâu anom bơwih ƀong sĭ mơdrô tuh pơ alin kiăng pơtrut pơđĭ kyar bơwih ƀong huă mơnuih mơnam amăng tơring čar.

Siu Đoan: Pơblang