VOV4.Jarai-Ƀơi sang jơnum khua pơ ala mơnuih ƀôn sang dêh čar, Khul khua mua pơphun bruă ruah khua dêh čar jơnum abih bang lok 3 yua kơ yă Nguyễn Thị Kim Ngân, Khua pơ ala mơnuih ƀôn sang dêh čar, Khua khul ruah khua dêh čar pô git gai.

Jơnum lok 3 anai, hmư̆ lăi pơthâo boh tơhnal čih pơkra glăi pơhrua dơ̆ng tơdơi kơ Jơnum pơčrông sai tal sa kơ bruă ruah mơnuih tơbiă anăn, mrô khua tơbiă anăn, ƀing amra ngă ding kơna pơ ala mơnuih ƀôn sang dêh čar tal 15 laih anun tơlơi pơhing djop sang bruă, anom bruă gơnong dlông hăng tơring čar prăp lui Jơnum pơčrông sai tal 2 pioh čih anăn ƀing tơbiă anăn ruah ngă pô pơ ala dêh čar, tơbiă anăn ruah ngă pô pơ ala djop gưl; hră lăi pơthâo bruă mă mơ̆ng Khul khua mua pơphun bruă ruah khua dêh čar hăng mơ̆ng hơdôm grup anet pơpha bruă tơdơi kơ jơnum Khul khua mua pơphun ruah khua lok 2 truh ră anai;

pơčrông sai hơdôm pok hră lăi pơthâo hăng pơsit hĭ Hră pơtrun pơkă kơ mrô anih ruah khua, hră čih anăn djop anom bruă anih ruah khua hăng mrô ƀing ngă pô pơ ala mơnuih ƀôn sang dêh čar dưi ruah mơ̆ng djop anom bruă, anih ruah khua amăng đơ đam dêh čar.

Nay Jek: Pơblang