Ngui măy mŏk sồ dong kờl bơtàu tơnguh kơ̆ kơl jăp lơh broă sa sươn sre tiah drà
Thứ sáu, 13:26, 12/04/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Drim ngai 11/04, tàm ƀòn dờng Dà Làc, Anih tờm Dong kờl bơto pơlam lơh broă sa sươn sre dà lơgar dê gơ wèt Ƀộ Nông nghiệp mờ Phát triển Nông thôn pơgồp bal mờ Sở Nông nghiệp mờ Phát triển Nông thôn càr Lâm Đồng bơyai lơh pơrjum cribơyai dong kờl bơto pơlam lơh broă sa sươn sre tiah drà dơ̆ dùl nam 2024 bal mờ tơngume ngui tam gơl sồ tàm broă tam, lơh gơlik phan mờ tăc phan lơh geh bơh lơh broă sa sươn sre hữu kơ.
Pơrjum cribơyai neh lời tŭ jiơ iăt 5 jơnau yal cih tă pơgồp jơnau đơs, cribơyai mờ tơrgùm uă jơnau đơs bơh ală cau mờng chài gah broă lơh do, cau jak mờ ală anih lơh broă ătbồ dê gam lam lơh broă lơh tam gơl sồ bơh ală ƀộ, gah lơh broă, mpồl Dong kờl bơto pơlam lơh broă sa sươn sre tiah drà dê tàm ală tiah.
Ồng Lê Minh Lịch, Phó Kwang ătbồ Anih tờm Dong kờl bơto pơlam lơh broă sa sươn sre dà lơgar pà gĭt, pơrjum cribơyai rơ̆p pơgồp bơnah kwơmàng dong kờl broă lơh tam gơl sồ tàm broă tam, lơh gơlik phan mờ tăc phan bơna lơh broă sa sươn sre hữu kơ ƀòn lơgar tiah drà tàm tơngai tus.
Viết bình luận