Dơ̆ lùp kờp nàng kờñ geh jơnau yal tơnggit bè khà kờp làng bol mờ hìu ơm lơh bơnàng jă nàng sền sơ wì broă lam lơh Broă rơndap lơh bơtàu tơnguh lơh sa – mpồl bơtiàn tơngai bơh nam 2021 tus nam 2025; lơh broă lơh, lơh broă rơndap lơh khà kờp làng bol mờ hìu ơm drơng lơh Broă rơndap lơh bơtàu tơnguh lơh sa – mpồl bơtiàn tơngai bơh nam 2026 tus nam 2030; jat sền broă lam lơh ală Jơnau kờñ bơtàu tơnguh bơh Liên hợp quôk dê mờ Cíñ phủ Việt Nam neh hơ pơrgon mờ drơng ai broă lơh tơrgùm kờp bè khà kờp làng bol tàm gùt lơgar mờ tơl càr, ƀòn dờng.
Cau lùp kờp geh hìu bơnhă làng bol ơm kis, cau mùl màl ơm kis sùm bơh hìu bơnhă làng bol ơm kis dê. Tơngai lùp kờp bơh 12 jơ mang ngai 01/4 tus jơh ngai 30/4 nam do. Broă lơh ai jơnau tơnggit là cau lùp kờp tus tơl hìu bơnhă lùp tơn cau yal jơnau. Kờp dŭ cồng nha lùp kờp jơh ală rơp geh yal tàm nhai 11 mờ nhai 12 nam do. Ală jơnau yal mblàng lơh loh mìng 1 tơngume rơp geh yal tàm nam 2025.
Viết bình luận