Tàm nhai dong kờl cau nam do, sơn đờm bơh ngai 01 tus ngai 31/5, jơh gùt Mpồl lơh ngan dong kờl 100 rbô anih dong kờl cau. Tàm dơ̆ lam lơh, Atbồ ing Củ tịc lơgar mò Võ Thị Ánh Xuân neh jàu 300 bơnah priă dong kờl bơsram kờp priă 300 tơlak đông pà ală kơnòm bơsram jơi bơtiàn dồ êt nă cau sơrlèt gan kal ke bơsram jak tàm càr Điện Biên.
Mpồl Cữ thập đỏ Việt Nam kung cih dờp, jờng rơ ală mpồl cau, mpồl lơh sa kă bro, cau dồ nă să neh dong kờl mờ hơ pơrgon dong kờl khà priă rlau 480 tơmàn đông. Di dơ̆ do, Mpồl Cữ thập đỏ Việt Nam kung đơng lam, pơgồp bal bơyai lơh Drà dong kờl cau drơng 500 nă cau geh sră dong kờl bơh dà lơgar, cau geh rài kis kal ke tàm càr Điện Biên blơi phan ngui sa pal geh mờ sră blơi phan kờp priă 500 rbô đông dùl nơm sră mờ bơyai lơh broă lơh ai is mhàm dong kờl cau, mblàng yal jơnau pà să jan dong kờl cau mờ bơta tus bal bơh mờr 500 nă cau dê.
Viết bình luận