Jơnau yal bơh mpồl jat sền dê đơs loh: broă lơh gùng lòt ù gờl tàm jơh gùt lơgar ngai sơlơ geh bơtàu tơnguh, lòt song niam ngan, uă gơl gùng tờm geh bơcri priă lơh bơt bơtàu mờ lơh niam wơl,... lơh geh ală bơta sơlơ bơtàu tơnguh lơh sa- mpồl bơtiàn, sền gàr lơngăp lơngai Dà lơgar mờ bơta lơngăp lơngai.

 Mơya, broă bơcri priă lơh, bơtàu tơnguh phan bơna gùng lòt tàm bàr pe tiah ờ hềt lơh geh mờ jơnau kờñ. Ủy ƀan Thường vụ Quôk hội sồr: tơrgùm priă jền nàng bơcri priă lơh, bơtàu tơnguh ală phan bơna gùng lòt; lài ngan ai priă jền nàng lơh niam wơl gùng rơndeh dờng mờ bơsong ală tiah geh uă bơta ờ niam bè rềs àr gùng lòt.

Kung tàm ngai 23/04, Ủy ƀan Thường vụ Quôk hội tă pơgồp jơnau đơs bè jơnau yal cồng nha lơh jat broă lơh jat sền nam 2023 mờ ală nhai bồ nam 2024, kờp dŭ broă lơh jat sền nam 2025 bơh Quôk hội, Ủy ƀan Thường vụ Quôk hội dê.