Ồng Nguyễn Văn Đại, Kwang atbồ anih lơh broă kơnhoàl Krông Nô, Kông ty lơh mờ ngui bơtơ̆t rƀòng dà Dăk Nông pà gĭt, tềng đăp bơta trồ prang soăt dà kơn jơ̆ ngan, kơnhoàl neh lơh broă mờ ală kơnhoàl rềp bal bè Dăk Mil mờ Dăk Song nàng tam pà dà bơh ală tơnau dơng dà dờng rê nàng sơndră mờ trồ prang soăt dà.
Tềng đăp mat, neh lơh geh bơta ring bal bơh kơnhoàl Dăk Mil dê tam pà dà bơh tơnau dà Hồ Tây (khà dơng dà rlau 3 tơlak khối) rê tus kơnhoàl Krông Nô hòr gan rƀòng dà lam dà rê tus dà croh Dăk Sôr. Jat ồng Nguyễn Văn Đại, Kông ty lơh mờ ngui bơtơ̆t rbòng dà Dăk Nông pơgồp bal mờ gah lơh sa suơn sre bè gơnoar atbồ xã dê neh yal ai làng bol in gĭt nền cê bè tơngai pờ dà. Làng bol neh mờ gam rcang lài nàng ngui dà kwơ màng do tuh dong kờl ai phan tam in.
Viết bình luận