Jat Ƀộ Kông thương đơs, gùng che đèng dà lơgar gơtùi drơng tơl ồs đèng ai bơtàu tơnguh lơh sa – mpồl bơtiàn mờ jơnau kờñ bơh làng bol dê tàm jơh ală tŭ tơngai tàm nam. Bulah bè hơ̆, tàm tơngai tus, broă lơh gàr tơl đèng geh đơs lài gơtìp uă kal ke, ngan là tàm tiah đah tô dà lơgar. 

Ƀộ Kông thương sồr Sở Kông thương ală càr, ƀòn dờng mờ Tập đoàn Ồs đèng Việt Nam sơlơ lam lơh ring bal, wil tơl ală broă lơh ngui ồs đèng tềm pềr mờ geh cồng nha, kuơmàng là tàm tŭ tơngai ală nhai prang duh (nhai 4, 5, 6 mờ 7) nam 2024; sơlơ tơnguh tai lam lơh mblàng yal làm uă tus jơh ală cau ngui đèng bè ală broă lơh ngui đèng lơngăp lơngai, tềm pềr mờ geh cồng nha bơh ală anih yal tơnggit jơnau, mạng xã hội.