Ƀộ Tài nguyên mờ Môi trường lòt sền tiah gơtìp tơrlah tàm dà dờng Krông Nô rềp nhàr đah bàr càr Dăk Lăk mờ Dăk Nông
Thứ tư, 13:49, 03/04/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Ngai òr (02/04), Ƀộ Tài nguyên mờ Môi trường neh ai mpồl kwang bàng lơh broă tus pơgồp bal mờ bàr càr Dăk Nông mờ Dăk Lăk nàng sền tiah gơtìp tơrlah tàm dà dờng Krông Nô rềp nhàr đah bàr càr Dăk Lăk mờ Dăk Nông.
Dà dờng krông Nô jòng mờr 190 kơi sồ, lòt gan 3 càr Lâm Đồng, Dăk Lăk mờ Dăk Nông. Tiah gơtìp tơrlah uă ngan tŭ do gơwèt ù tiah kơnhoàl Krông Nô, càr Dăk Nông.
Jăt jơnau kờp bơh kơnhoàl Krông Nô dê, bơh nam 2010 tus tŭ do, jăt gah dà dờng krông Nô gŏ geh 18 tiah gơtìp tơrlah, mờ jòng di pơgăp 10 kơi sồ, rơlao 122 lồ ù tam phan jăt gah dà dờng neh gơtìp dà cò pơrdô jơh. Bơta tơrlah ù tàm tiah do gơlik geh kal ke mờ ờ hềt tơngŏ gơ-ơm. Mpồl kwang bàng lơh broă dơ̆ do bơh Kụk Địa cất lơgar Việt Nam tus sền tiah gơtìp tơrlah dà dờng Krông Nô jăt jơnau đơng lam bơh Ƀộ trưởng Ƀộ Tài nguyên mờ Môi trường nàng dong kờl bàr càr Dăk Nông mờ Dăk Lăk lơh loh tài bơta lơi gơtìp tơrlah mờ geh broă bơsong.
Viết bình luận