Tàm dơ̆ ai cau lơh broă lơh, cau kơnòm să 2 càr Kon Tum mờ Đồng Nai jàu pà 400 bơnah phan ai ală oh dềt bơh xã Đăk Kôi, kơnhoàl Kon Rẫy dê in kờp priă 100 tơlak đông; pà 100 blah àu mpha mờ 50 bơnah priă dong kờl bơsram, tơl bơnah geh 500 rbô đông ai kơnòm bơsram geh rài kis kal ke in. 

Di dơ̆ do, Tỉñ đoàn càr Đồng Nau kung jàu pà “Hìu kờñ gơboh bal kòn bơnus” kờp priă 70 tơlak đông ai hìu bơnhă mò Y Hà ơm tàm thôn 9, xã Đăk Kôi in; dong kờl măi đo huyết áp, zờu duh kờp priă 33 tơlak đông ai làng bol tàm xã in; pà 25 nơm ƀŏng đèng năng lượng mat tơngai ai gơl gùng “Sòl àng gùng lòt ƀòn lơgar” kờp priă rlau 37 tơlak đông.