![Cau mblàng: K’Duẩn/ VOV Tây Nguyên](/themes/custom/vov_4/images/avatar.png)
Drim ngai 28/6, Liên đoàn Lao động càr Dăk Lăk bơyai lơh broă lơh tìp mat, jaù pà priă dong kờl bơsram ai oh kòn bơh đoàn viên, công chức, viên chức, cau lơh broă geh rài kis kal ke. Broă lơh neh jàu 103 bơnah priă dong kờl bơsram mờ khà 1 tơlak đông dùl bơnah pà ai kơnòm bơsram geh rài kis kal ke bơsram jak, khà 1 tơlak 500 rbô đông dùl bơnah ai kơnòm bơsram kòn đời in. Do là ală kơnòm bơsram geh rơ wah bơh 21 kông đoàn kâp hơ đang tơn.
![103 bơnah priă dong kờl bơsram geh jàu tus kòn ală cau lơh broă geh rài kis kal ke](https://vov4-media.solidtech.vn/sites/default/files/styles/large/public/2024-06/hoc_bong_duoc.jpg)
Geh dờp priă dong kờl bơsram sơrlèt gan kal ke bơsram jak dơ̆ do, oh Lâm Tâm Như, kơnòm bơsram ơdŭ 9D, Hìu bơsram kâp 2 Nguyễn Văn Cừ, ƀòn dờng Buôn Ma Thuột, geh mè là cau lơh phan gam lơh broă tàm Kông ty TNHH Tiah ơm kis Đông Phương đơs là, bơnah priă dong kờl bơsram do dong oh geh tai bơta gơn kơnờm rlau tai nàng bơsram sră gơ in jak nàng gơ gơs cau geh kuơ ai mpồl bơtiàn in, dong mè bèp iang nùs lơh broă. Kung tàm broă lơh, ală oh geh sền lơh xiếc, tus bal ală broă lơh hờ bơdìh mờ tìp mat lơh kwèng mờ uă bơyô ring rơh ndai.
Viết bình luận