Quôk hội lơh dơ̆ pờ tê ring bal Jơnau lơh nền tàm pơrjum bơh Quôk hội dê bè bơyai lơh gơnoar atbồ tiah drà mờ lơh tơrlòng lài bàr pe broă lơh, broă dong kờl krơi is bơtàu tơnguh ƀòn dờng Đà Nẵng. Cồng nha, 93% kwang bàng tus bal pờ tê ring bal (452 tàm 459) ring bal Jơnau lơh nền tàm pơrjum bè bơyai lơh gơnoar atbồ tiah drà mờ lơh tơrlòng lài bàr pe broă lơh, broă dong kờl krơi is bơtàu tơnguh ƀòn dờng Đà Nẵng.

Gơwèt mờ broă lơh tơrlòng lài tơlik mat Tiah Kă bro khat gơboh, Ủy ƀan Thường vụ Quôk hội sền gŏ, broă lơh tơrlòng lài tơlik mat Tiah Kă bro khat gơboh là gùng dà broă lơh dờng neh tơl jat tàm bơta cíñ trị, jat tàm adat boh lam; dilah lơh geh cồng nha rơp lơh geh bơnàng jă sơlơ bơtàu tơnguh lơh sa- mpồl bơtiàn bơh ƀòn dờng Đà Nẵng mờ jơh bal tiah do dê. Lài hơ̆, mờ uă ngan sră đùh ală kwang bàng ring bal (453 tàm 459), 93,21%; Quôk hội neh ring bal Jơnau lơh nền tàm pơrjum bè lơh tơrlòng lài bơtơl bàr pe broă lơh, broă dong kờl krơi is bơtàu tơnguh càr Nghệ An.