Ala mat kwang đơng lam bồ Đảng mờ Dà lơgar bal mờ mpồl kwang bàng, Củ tịc Quôk hội ồng Trần Thanh Mẫn jơh nùs pơyua tus ală cau lơh broă kac màng jŏ nam, Mè Việt Nam khin cha jak chài, cau khin cha jak chài mpồl phàu crong làng bol, cau khin cha jak chài lơh broă, ală cau ling sồt să, cau kòp tê jê să, cau pròc mhàm tờm cau ling chơt màng, cau geh màng mờ dà lơgar bơh càr Hậu Giang dê jơnau lùp còp đềt mềr, ală nùs nhơm dờng màng mờ bơta kah ưn ngài uă ngan.

Củ tịc Quôk hội đơs nền, sền gròi ai hìu bơnhă cau ling sồt să, cau ling chơt màng, hìu bơnhă geh màng mờ dà lơgar in là bơhiàn hùc dà kah tô dà, kis git jơnau git adat bơh jơi bơtiàn he dê. Đảng, Dà lơgar sùm sền gròi tus hìu bơnhă cau ling sồt să, cau ling chơt màng, cau geh màng mờ dà lơgar mờ uă broă lơh bè bơtàu tơnguh lơh sa – mpồl bơtiàn tàm ƀòn lơgar, sền gròi ai hìu bơnhă geh sră dong kờl bơh dà lơgar, hìu bơnhă cau ling chơt màng, cau ling sồt să in, dong kờl hìu ơm, dong kờl ală broă lơh ai oh kòn hìu bơnhă cau ling sồt să, cau ling chơt màng in mờ lơh niam wơl ală ƀlàng tơp ƀồc pah nam.