Ala măt kwang đơng lam bồ Đảng, Dà lơgar, Quôk hội, Củ tịc Quôk hội ồng Trần Thanh Mẫn pơyua tus ală Mè Việt Nam khin cha jak chài, hìu bơnhă geh dà kơlhề mờ dà lơgar jơnau nting bơr kơ̆p kờñ sùm pràn kơldang, chờ hờp chờ hờn mờ lơh geh cồng nha. Bơh jơnau yal bơh kwang đơng lam bồ ƀòn dờng Cần Thơ dê, Củ tịc Quôk hội jờng rơ ngan broă pah nam ƀòn dờng Cần Thơ neh sền gròi ngan, dong kờl ai hìu bơnhă geh dà kơlhề mờ dà lơgar in neh hòi jà tă pơgồp geh 9 tơmàn 400 tơlak đong nàng drơng gàr ai hìu bơnhă geh dà kơlhề mờ dà lơgar in.

Tàm tơngai tus, Củ tịc Quôk hội ồng Trần Thanh Mẫn sồr, ƀòn dờng sơlơ lơh jăt tai Jơnau sồr sồ 14 bơh Mpồl đơng lam Đảng Dà lơgar dê bè  tơngguh tai bơta đơng lam bơh Đảng dê gơ wèt mờ broă lơh cau geh màng mờ kăc màng nàng ală broă dong kờl bơh Đảng mờ Dà lơgar dê geh lam lơh wil tơl tus mờ cau geh màng. Tàm do, Củ tịc Quôk hội ồng Trần Thanh Mẫn mờ mpồl lơh broă neh jàu 50 bơnah phan pà ală Mè Việt Nam khin cha jak chài, hìu bơnhă geh dà kơlhề mờ dà lơgar, cau geh màng mờ kăc màng pơnrơ jak in.