Tàm dơ̆ tơngkah, Củ tịc lơgar ồng Tô Lâm ala mat Đảng, Dà lơgar jàu pà Gai lòng cồng nha lơh broă khà 1 ai mpồl Măi mok lơh broă, khà jờng cih dờp ală cồng nha lơh broă mờ tă pơgồp jak chài ngan bơh mpồl dê.

Củ tịc lơgar đơs nền, Đảng, Dà lơgar, Đảng ủy Kwang àng Dà lơgar mờ Ƀộ Kwang àng sùm cih dờp, jờng rơ uă ngan bơta tă pơgồp dà kơl hề dờng màng mờ ală cồng nha, cồng nha lơh broă jak chài uă ngan bơh mpồl măi mok lơh broă Kwang àng làng bol dê tàm sùm 70 nam bơt bơtàu, tam lơh mờ dờng pràn. Củ tịc lơgar pin dờn mpồl Măi mok lơh broă Kwang àng làng bol pơn jat tai tam klăc, ring bal, ngăc ngar, bơceh lơh, sơr lèt gan tơl bơta kal ke, bơta lòng, lơh geh uă tai cồng nha lơh broă, cồng nha pa, lơh sir jak ngan tơl kơnòl broă geh jàu, di pal, is ồn là pin dờn jơh nùs don song mờ Đảng, Dà lơgar, làng bol, pơgồp bơnah lơh jat geh cồng nha kơnòl broă bơt bơtàu mờ sền gàr Dà lơgar Việt Nam Xã hội củ nghĩa.