![Cau mblàng: K’Duẩn/ VOV Tây Nguyên](/themes/custom/vov_4/images/avatar.png)
![Bơta chờ hờp ală oh dềt dê tŭ dờp phan pà bơh broă lơh](https://vov4-media.solidtech.vn/sites/default/files/styles/large/public/2024-06/ccb_tang_vo_viet_dak_lak_1.jpg)
Dăk Lăk là càr dơ̆ 4 tàm tiah Tây Nguyên geh Mpồl tam klac bal Cau lơh sa kă bro cau ling yau Việt Nam jàu pà sră cih bơh broă lơh “Dùl tơlak pang sră cih ai kơnòm bơsram rƀah ală jơi bơtiàn Tây Nguyên mờ càr Bình Phước in. Broă lơh geh lơh drim ngai 27/6 tàm ƀòn dờng Buôn Ma Thuột, càr Dăk Lăk. Mpồl bơyai lơh neh jàu 200 rbô pang sră cih, pà mờr 15 rbô 600 nă kơnòm bơsram kâp 1 rƀah tàm gùt càr Dăk Lăk in, mờ kờp jơh khà priă mờr 900 tơlak đông. Khà sră cih do là cồng nha bơh broă lơh hòi jà “Dùl tơlak pang sră cih pà ai kơnòm bơsram rƀah làng bol ală jơi bơtiàn Tây Nguyên mờ càr Bình Phước in” bơh Mpồl tam klac Cau lơh sa kă bro cau ling yau Việt Nam hòi jà, lam lơh tàm 2 nam, 2023 mờ 2024. Do là broă lơh ai tơnggŏ bơta sền gròi bơh ală mpồl lơh broă mờ Mpồl cau ling yau ală kâp dê gơ wèt mờ rơnàng kơnòm să nàng kờñ pơgồp bơnah pơn jờng, dong kờl kơnòm bơsram in geh tai bơta tus hìu bơsram tàm nam bơsram pa dê.
Viết bình luận