Mut pơrjum, Củ tịc Quôk hội ồng Vương Đình Huệ pà gĭt, tàm pơrjum do, ală kwang bàng Quôk hội lơh broă mìng lơh dùl kơnòl broă ala ai jơnau đơs gơwèt mờ 08 rơndăp broă lơh adat. Sồr ală kwang bàng tơrgùm mblàng sền ală tơngume gam geh ală broă lơh krơi is; kờp sền wơl ală jơnau cih loh làng tàm jơnau rcang cih adat nàng gàr niam bơta di mờ Sơnoa boh lam, di mờ adat boh lam, bơta ring bal, dồ ròt bal mờ ală adat pa geh ai lơh jat adat halà ờ hềt?

Bal mờ hơ̆ sền gròi tus ală jơnau cih bè ală jơnau cih ngui adat  boh lam. Ngan là, pal kờp sền nàng ờ gơtìp bơta sơmờm, kơryan geh bơta “sa kuề sa kuà gùng dà broă lơh”, tàm bơrlŭ bal “bơta kwơ mpồl”, bơta kwơ bơh anih lơh broă atbồ mờ ờ hềt sền sơwì di pal tus ală gơnoar mờ bơta kwơ di mờ adat boh lam, di pal ngan bơh làng bol mờ mpồl lơh sa kă bro dê.