Tàm dơ̆ pơrjum, ồng Nguyễn Minh Chí, Phó Kwang ătbồ Sở Nông nghiệp mờ Phát triển Nông thôn càr Dăk Lăk pà gĭt: 52 broă lơh bơ̆t bơtàu lơh dà sàng goh tơrgùm bal tàm ƀòn lơgar ơm lơh broă mờ uă broă lơh bơ̆t bơtàu ndai lơh broă nggùl tơmời geh 20% tus 40% mờ Anih Jơnau đơs Việt Nam neh đơs là di ngan. Jơnau bơh tài gơbàn là tài ală broă lơh bơ̆t bơtàu bơcri priă bơh uă nam lài, geh lơh dềt, geh jàu ai Ủy ƀan Ñân zân ală xã halà ală mpồl ătbồ is thôn, ƀòn in ătbồ, ngui mơya ndrờm ờ geh bơta mờng chài tàm broă lơh. Broă lơh sền gàr ndrờm bè ờ gŏ lơh.
Tơnơ̆ tŭ iăt ala măt gah lơh broă sa sươn sre càr dê yal lơh loh, ồng Nguyễn Tuấn Hà, Phó Củ tịc Ủy ƀan Ñân zân càr Dăk Lăk sồr Sở Nông nghiệp mờ Phát triển Nông thôn, Ủy ƀan Ñân zân ală tiah pal kờp sền wơl ală anih làng bol ơm kis ờ tơl dà sàng goh tài bơh ală broă lơh bơ̆t bơtàu gơtìp ờdiơng nàng ai priă jền lơh niam wơl, mhar pà dà ai làng bol in, ngan là tàm tơngai kàl prang gam gơbàn kal ke ngan.
Viết bình luận