Kon Tum hòi jà tă pơgồp geh 4 tơmàn đong tàm Nhai dong kờl kòn bơnus nam 2025
Thứ hai, 13:33, 05/05/2025
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV4.K'Ho- Mờ tơngume “Gùng dong kờl kòn bơnus – Gơrề uă bơta kờñ gơboh”, tàm ƀòn dờng Kon Tum, Mpồl Cữ thập đỏ càr Kon Tum bơyai lơh Dơ̆ lam lơh Nhai dong kờl kòn bơnus nam 2025 mờ Tơngkah kir sơnrai Ngai Cữ thập đỏ mờ Àng ndar mơ̆ pơrhê dunia ngai 08/5.
Tàm Nhai dong kờl kòn bơnus nam 2025 geh bơyai lơh bơh ngai 01/3 mờ tơn jơh tàm ngai 31/5, Mpồl Cữ thập đỏ càr Kon Tum tơlik jơnau kờñ hòi jà tă pơgồp geh bơh 4 tơmàn đong priă mat, phan bơna mờ bơh ală jơnau hơ pơrgon, jơnau ring bal dong kờl nàng dong ală cau geh rài kis kal ke.
Bơdìh mờ tă pơgồp dong kờl ală cau geh rài kis kal ke, Nhai dong kờl kòn bơnus nam 2025, ală kâp Mpồl Cữ thập đỏ càr Kon Tum kung rơp bơyai lơh uă broă lơh dong kờl kòn bơnus wèt hờ tiah làng bol jơi bơtiàn dồ êt nă cau, tiah tam lơh kac màng, tiah nhàr lơgar, còp, pà phan ală hìu bơnhă geh sră dong kờl bơh dà lơgar, hìu bơnhă geh màng mờ dà lơgar, kham kòp pà sơnơm ờ sa priă ai cau rƀah in, lơh hìu Cữ thập đỏ.
Viết bình luận