Rơndăp broă lơh bơh ală Mpồl Cữ thập đỏ - Àng ndar me mơ̆ pơrhê dunia dong kờl, lam lơh bơh lồi nhai 08 n am 2023, tus tŭ do tàm 4 càr: Dăk Nông, Lào Cai, Lai Châu mờ Yên Bái mờ kờp jơh priă jền lơh jat rlau 9 tơmàn 300 tơlak đong. Ală hìu bơnhă geh dong kờl sơntèk ơn dà, priă mat ờ duh pal geh ală bơta lơi, priă mat geh ală bơta nàng drơng broă lơh broă sa, lơh niam wơl hìu ơm... nàng kờñ bơsong jơnau gơ lời wơl tài bơh mìu dờng dà tih, hời rơ hời bè ờs wơl rài kis.

Tàm càr Dăk Nông, rơndăp broă lơh neh pà priă mat geh ală bơta ai 20 hìu bơnhă in nàng lơh niam wơl hìu ơm,100 hìu bơnhă nàng drơng broă lơh lơh broă, pà 40 nơm sơntèk đùh ơn dà mờ pà priă mat ờ duh pal geh ală bơta ai 70 hìu bơnhă kơnhoàl Tuy Đức in. Rơndăp broă lơh gam dong kờl bơto pơlam, lơh ală broă lơh mblàng yal bè dà sàng goh, rcang kơryan lài kòp tàm ală bơta jal mhar, bơto pơlam lơh hìu ơm lơngăp lơngăp ngai, bơta chài tam phan kơ̆ kơl jăp mờ kờp jơh khà priă rlau 1 tơmàn 500 tơlak đong.