Jat jơnau sồr bơh uă tiah dê, broă lơh nền giă ù tàm bàr pe tiah kung gam gơtìp uă kal ke, kòl yan bè gơnap gơnoar, rơndăp tăp sèng, sră nggal, gơ lam tus broă lơh nền giă ù  geh ngan lơyài ngan, gơrềng tus tŭ tơngai lam lơh jat rơndăp broă lơh bơcri priă.

Nàng di tŭ bơsong ală bơta kal ke, kòl yan bơh ală tiah dê tàm broă sền gĭt nền giă ù ngan ngồn, Thủ tướng Cíñ phủ pơn jat tai sồr: Ƀộ Trưởng Tài nguyên mờ Môi trường mhar: lơh sir lài mờ ngai 31 nhai 07 nam 2023 broă tam gơl, bơtơl jơnau cih nền cê broă lơh lơh nền giă ù, lơh, tam gơl ală giă ù, lơh nền giă ù mờ bơto pơlam nền giă ù; jat sền di tŭ bơto pơlam ală tiah in tă bơsong kal ke kòl yan tàm tŭ lam lơh jat lơh pràn broă lơh lơh nền giă ù, tơlik kơrnoat lơh nền giă ù. Tơlik mat mpồl lơh broă lòt sền, sồr lơh ngan, bơsong ală bơta kal ke kòl yal bè lơh nền giă ù bơh ală tiah, anih lơh broă, mpồl lơh broă dê. Củ tịc Ủy ƀan Ñân zân ală càr, ƀòn dờng gơwèt Dà lơgar tơrgùm đơng lam broă lơh lơh nền giă ù, tơlik kơrnoat lơh nền giă ù jat gơnap gơnoar, ờ gŏ di kwi kwơ, ờ gŏ di lơh lơngeh lơngañ, lơyài, gơrềng tus tŭ tơngai lam lơh jat rơndap broă lơh bơcri priă dê...