Ngai 26/3, Mpồl tam klac ơruh pơnu Việt Nam mờ Mpồl drơng broă gah jat yàng Phờk Việt Nam càr Kon Tum bơyai lơh kĭ Broă lơh pơgồp bal tơngai bơh nam 2024 tus nam 2025. Jat hơ̆, 2 gah pơgồp bal hòi jà cau kơ đơng yàng Phờk, cau jat yàng Phờk kơnòm să mờ ơruh pơnu, kơnòm pa tàu jat yàng Phờk kis niam lơh àng sơdah jơnau yàng, lam lơh gơnoar mờ kơnòl làng bol; jơh nùs tus bal bơtàu tơnguh lơh sa - mpồl bơtiàn, sền gàr lơngăp lơngai cíñ trị, rơndap tap sèng mpồl bơtiàn; hòi jà tă pơgồp priă jền sền gròi ai ơruh pơnu, kơnòm pa tàu, kơnòm dềt geh rài kis kal ke.
Kung di tơngkah 93 nam ngai crơng gơs Đoàn Ơruh pơnu Kộng sản Hồ Chí Minh, uă mpồl lơh broă Đoàn tàm càr Kon Tum bơyai lơh tơmut đoà viên pa; Gùng lòt mờ anih pơrhê; còp, pà phan hìu bơnhă geh sră dong kờl bơh dà lơgar, cau kra kis dồ nă să; lam lài lơh broă dong kờl is tài rài kis mpồl bơtiàn.
Viết bình luận