Kờp dŭ broă rơndap lơh rơndap tap sèng mờr 33 mpồl lơh broă hàñ cíñ kâp kơnhoàl mờ 1 rbô 327 mpồl lơh broă hàñ cíñ kâp dà tàm tơngai do. Đơs tàm pơrjum, Củ tịc Quôk hội ồng Vương Đình Huệ sồr pơn jat tai lơh sir Nghị quyết nàng kĭ ai tơlik, tàm hơ̆ sền gròi, sền sơ wì nền nòn ală bơta krơi is bè bơhiàn kah yau, niam chài, jơi bơtiàn, pin dờn, jat yàng, bơhiàn ờs mờng bơh yau; mờ kung cih mùl màl tơl khà mpồl lơh broă hàñ cíñ tơnơ̆ rơndap tap sèng.

Nghị quyết bơh Ủy ƀan Thường vụ Quôk hội dê bè broă rơndap tap sèng ală mpồl lơh broă hàñ cíñ kâp kơnhoàl, kâp xã tơngai bơh nam 2023 tus nam 2030 lơh ngan tus nam 2030, ală mpồl lơh broă hàñ cíñ kâp kơnhoàl, kâp xã geh rơndap tap sèng di mờ broă rơndap lơh bơtàu tơnguh lơh sa- mpồl bơtiàn; lơh jat jơnau sồr bơt bơtàu dà lơgar he gơ gơs dùl lơgar lơh sa mờ măi mok pa, jat gùng dà xã hội củ nghĩa.