VOV4.K’Ho- Mho òr (13/08), Phó Thủ tướng Cíñ phủ ồng Trần Lưu Quang neh tus bal “Ngai chờ jơh gùt làng bol sền gàr lơngăp lơngai Dà lơgar nam 2023” tàm xã Ea Tul, kơnhoàl Cư M’gar, càr Dăk Lăk.

VOV4.K'Ho- Cribơyai Cau lơh broă nam 2023 geh pơn yơu bè dùl dơ̆ tìp mat cau tĕ khà mìng dùl tơngume kuơmàng. Mờ tơngume “Lơh sir broă lơh, adat boh lam gơ rềng tus cau lơh broă mờ mpồl Kông đoàn”, cribơyai là dơ̆ nàng ală anih lơh broă bơh Quôk hội dê, ală anih lơh broă, mpồl lơh broă geh gơ rềng geh tŭ tìp mat, iat bơta kơp kờñ bơh cau lơh broă dê nàng ngai sơlơ lơh sir adat boh lam.

VOV4.K’Ho- Ngai 11/08, Mpồl tam klăc cau ùr càr Dăk Lăk pơgồp bal mờ Kes priă sền gàr kơnòm dềt càr dê bơyai lơh broă lơh tìp mat, jờng rơ “Mè dong kờl” pơn rơ jak nam 2023.

VOV4.K’Ho- Mho ngai 10/08, tàm càr Yên Bái, Phó Thủ tướng Cíñ phủ ồng Trần Lưu Quang đơng lam Pơrjum lơh jăt ală broă lơh jơnau kờñ dà lơgar tàm tiah đah Tô dà lơgar dê.

VOV4.K’Ho- Bal mờ kơnòl broă atbồ, sền gàr kơ̆ kơl jăp gơnoar tờm, lơngăp lơngai tiah nhàr lơgar bơh dà lơgar dê, kwang bàng, cau ling mpồl ling sền gàr tiah nhàr lơgar sùm rcang lài lam lơh jăt niam ală broă lơh lơh broă sền gàr tiah nhàr lơgar, lơh ngan tus bal bơt bơtàu ală anih lơh broă cíñ trị kấp hơđơm, bơtàu tơnguh lơh sa, niam chài, mpồl bơtiàn, sền gàr dà lơgar, lơngăp lơngai tàm ƀòn lơgar.

VOV4.K’Ho- Mho ngai 9/8, tàm ƀòn dờng Kon Tum, Mpồl Lơh kơnòl broă sùm Tỉñ ủy càr Kon Tum bơyai lơh pơrjum sền wơl rlau 2 nam lam lơh jăt jơnau đơs pơndŭt sồ 08, bè broă lơh Dơ̆ hòi jà “Lơh tam gơl bơta kơlôi sơnơng, broă lơh bơh làng bol kòn cau dùl ết nă cau dê, lơh ai làng bol kòn cau dùl ết nă cau in brồ guh lik klàs rƀah kơ̆ kơl jăp”.

VOV4.K'Ho - Tam lơh neh jơh nđờ jơt nam do, mơya jơnau gơ lời wơl bơh sơnơm khih mờ ling Mỹ lơh gơbàn kung gam geh sùm tàm lơgar Việt Nam. Ală nam do, mờ uă bơnah priă jền mờ broă lơh ngan ngồn, Đảng, Dà lơgar mờ làng bol he neh bal mờ gơp gròi sền, dong kờl, lơh gơlik bơta niam bè tơl bơta nàng ală cau gơtìp sơnơm khih Dioxin lơh aniai mờ hìu bơnhă geh tai bơta gơn kơnờm sơrlèt gan kal ke, kòp tê jê să, gàr kơ̆ kơljap rài kis, kis gơ rờm bal mờ mpồl bơtiàn.

VOV4.K'Ho- Rơndap broă lơh gùng rơndeh ntoat mhar Khánh Hòa- Buôn Ma Thuột lòt gan ală kơnhoàl Cư Kuiñ, Krông Păk, Krông Bông, Ea Kar, M’Drăk mờ thị xã Ninh Hòa, càr Khánh Hòa jòng mờr 118 kơi sồ, priă bơcri rlau 21 rbô 900 tơmàn đông. Gơl gùng rơndeh ntoat mhar do geh tam pà gơs 3 bơnah broă lam lơh; tàm hơ̆ càr Khánh Hòa lơh cau tờm bơcri priă lơh 32 kơi sồ, priă tă lơh 5 rbô 632 tơmàn đông (bơnah broă sồ 1); Ƀộ Giao thông Vận tải lơh cau tờm bơcri priă lơh 37,5 kơi sồ, priă tă lơh 9 rbô 818 tơmàn đông (bơnah broă sồ 2); gam wơl càr Dăk Lăk lơh cau tờm bơcri priă (bơnah broă sồ 3).

VOV4.K'Ho- Drim òr (04/08), tàm Hìu lơh broă Quôk hội, Ủy ƀan Lơh sa bơyai lơh pơrjum tàm lùp jơnau đơs bè jơnau rơcang cih Adat Ù tiah (tam gơl).

VOV4.K’Ho- Ngai 02 nhai 08, Kông ty Ồs đèng càr Dăk Lăk (PC Dăk Lăk) bơyai lơh Dơ̆ jàu hìu bơta nđàc ai hìu bơnhă ồng Lê Văn Tam in tàm tổ Zân phố 7, sơnah Ea Tam, ƀòn dờng Buôn Ma Thuột.