6 nhai bồ nam 2024, Mpồl Cữ thập đỏ ală càr neh hòi jà geh rlau 360 tơmàn đong, pà phan ai rlau 1 tơlak dơ̆ cau rƀah, hìu bơnhă drờm bè rƀah, cau geh rài kis kal ke, cau gơtìp rềs àr sơnơm khih dioxin lơh aniai, hìu bơnhă geh dà kơl hề mờ Dà lơgar, hìu bơnhă gơtìp gơ rềng tài bơh trồ tiah lơh aniai, kòp aniai. Broă lơh rcang lài kơryan trồ tiah lơh aniai neh dong kờl ai rlau 25 rơbô dơ̆ cau mờ kờp jơh priă jền rlau 7 tơmàn 500 tơlak đong.

Tàm pơrjum, mò Bùi Thị Hòa, Củ tịc Mpồl Cữ thập đỏ Việt Nam jờng rơ uă ngan ală bơta pơnđơl pràn lơh ngan, ală cồng nha lơh broă bơh ală mpồl lơh broă dê tàm Mpồl tàm pơrlòng sồ 6. Mơkung sồr Mpồl Cữ thập đỏ ală càr pơn jat tai tam gơl pa broă lơh lơh broă, lơh jat geh cồng nha ală broă lơh, ală dơ̆ hòi jà dong kờl kòn bơnus, cau geh nùs nhơm niam, dong ală cau geh rài kis kal ke brồ guh tàm rài kis dồ bă geh cồng nha mờ kơ̆ kơl jăp.