Ƀộ Kwang àng bơyai lơh dơ̆ pơrlòng broă ling klàng, tàp võ tàm Dà Làc, càr Lâm Đồng
Thứ hai, 17:07, 14/10/2024
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
K'HO.VOV.VN - Ngai 13/10, tàm ƀòn dờng Dà Làc, càr Lâm Đồng, Ƀộ Kwang àng bơyai lơh sơnđờm mŭt Pơrjum dờng pràn “Tài lơngăp lơngai Dà lơgar” dơ̆ 09 mờ Dơ̆ pơrlòng Bơta sồr, broă ling klàng, tàp võ kwang àng làng bol dơ̆ 06- Kơnhoàl ù tiah 03.
Tus bal Pơrjum dờng pràn mờ Dơ̆ pơrlòng dơ̆ do, geh mờr 2 rbô 500 nă cau tàp pràn să jan là ală kwang bàng, cau ling gơ wèt 20 mpồl kwang àng tàm kơnhoàl ù tiah đah Jum dà lơgar.
Đơs sơnđờm mŭt lơh, Thiếu tướng ồng Lê Hồng Hiệp, Phó Kwang ătbồ Kụk Broă lơh Đảng mờ broă lơh cíñ trị, Ƀộ Kwang àng, Phó Kwang ătbồ Mpồl sồr lơh Pơrjum dờng pràn mờ Dơ̆ pơrlòng đơs nền, broă tơngguh tai mờ yờ tơngguh bơta niam, cồng nha broă lơh tàp pràn să jan mờ bơta sồr, broă kwang àng, tàp võ tàm kwang àng làng bol là dùl tàm ală kơnòl broă, broă lơh kwơmàng ngan, pơgồp bơnah bơ̆t bơtàu mpồl kwang àng làng bol sàng goh, kơnhăp pràn, ngan ngồn, jak chài, pa, lơh geh jơnau sồr, kơnòl broă tàm bơta pa.
Viết bình luận