Tàm pơrjum, Mpồl duh broă Làng bol càr Gia Lai khoă XII tơngai lơh broă bơh nam 2021 tus 2026 geh pang sră yal mò Đinh Ly An, Phó Kwang atbồ Adăt boh lam Mpồl duh broă Làng bol càr khoă XII nàng cau ala măt Mpồl duh broă Làng bol càr pồ guh at gơnoar broă Kwang atbồ Mpồl Jơi bơtiàn Mpồl duh broă Làng bol càr khoă XII tơngai lơh broă bơh nam 2021 tus 2026.

Cồng nha geh, mò Đinh Ly An geh 62 tàm 62 nă cau ala măt tàm Mpồl duh broă Làng bol pồ, geh tơl pang sră pồ 100%. Kung tàm pơrjum do, Mpồl duh broă Làng bol càr kung neh lơh jăt broă tơn jơh at gơnoae Kwang geh jơng tàm Anih duh broă Làng bol càr khoă XII tơngai lơh broă bơh nam 2021 tus 2026 gơwèt ồng Nguyễn Văn Lộc, Kwang atbồ cơl dŭ lơh broă Anih duh broă Làng bol càr mờ ồng Nguyễn Ngọc Hùng, Kwang atbồ Sở Yal tơngit mờ Mblàng jơnau  càr Gia Lai. Lài mờ hơ̆, 02 nă ồng Nguyễn Văn Lộc mờ ồng Nguyễn Ngọc Hùng neh geh jơnau lơh nền ơm jơh sơnam lơh broă.