Mùl màl, ngai 30/09, ồng Đinh Văn Thanh ơm tàm ƀòn drà dềt Đak Pơ tơnơ̆ tŭ cò pơnring bơnàng ù nàng lơh hìu den gŏ uă gơl ntìng cau, mờ bàr pe phan mờng ngui bè bi đông dà, ƀŏp kơltau, gai cih măy, kơdơl jơng khŏ kau su mờ uă gar phàu.

Ồng Thanh neh yal broă do mờ anih lơh broă geh gơnoar in. Dờp jơnau yal do, Mpồl K52 càr Gia Lai neh ai kwang bàng, cau ling bal mờ rơndeh rơndồ măy mŏk phan ngui lam lòt jòi mờ jòi bàn ƀồc ntìng tàm tiah do. Ală tŭ lơh jăt kơnòl broă, Mpồl K52 gĭt nền khà ƀồc ntìng kờp dŭ digơlan geh 32 nă cau, geh bồr tơ̆p ờ gŏ jăt bơta rơndăp tăp sèng mờ tơn bĭc tàm rơndăp tềng hơđăng gơ̆p. Tŭ do, mpồl ling klàng càr Gia Lai pơn jăt tơrgùm jơnau yal, tìp mờ ală cau lơh cơng jơnau kah yau neh geh tŭ lòt tam lơh tàm Đak Pơ nàng bơtơl sră pơ àr lơh wơl. Mờ Mpồl K52 kung rơ̆p rề ơnàng ù tiah jòi mờ geh mblàng sền nền nòn tơl tăp ù nàng gĭt nền dipal tơl ƀồc ntìng.