Cri bơyai dờp geh 55 jơnau đơs tus bơh ală anih lơh broă kơlôi sơnơng, ală hìu bơsram cíñ trị, bal mờ ală mpồl lơh broă cíñ trị mpồl bơtiàn gơwèt càr Gia Lai mờ ală càr tàm Tây Nguyên.

Ală jơnau đơs ndrờm ai tơngŏ gơnoar kwơ màng bơh cau geh bơngă pin dờn tàm mpồl bơtiàn, bơh broă mblàng yal, tề lam làng bol tus bal broă bơtàu tơnguh lơh sa mpồl bơtiàn, bơ̆t bơtàu ƀòn lơgar pa, tơnguh anih lơh broă cíñ trị tàm ƀòn lơgar, gàr niam mpồl tam klăc gùt jơi bơtiàn; geh sùm bơta lơngăp lơngai, sền gàr dà lơgar mờ lơngăp lơngai mpồl bơtiàn tàm ƀòn. Uă cau đơs là, nàng cau geh bơngă pin dờn pơn jăt tai tơnguh gơnoar, pal ai tơl bơta ƀuơn nàng cau geh bơngă pin dờn tus bal tàm ală broă lơh cíñ trị mpồl bơtiàn tàm ƀòn; bơto, bơtơl nàng tơnguh uă jơnau git wă, bơta pràn, tàm hơ̆ uă ngan là bơta pràn jăt sền, geh jơnau đơs wơl mờ mpồl bơtiàn mờ lam làng bol tàm ƀòn.