Dơ̆ lòt còp đơs nền gùng dà ờ tŭ lơi tam gơl bơh Đảng, Dà lơgar lơgar Việt Nam he dê sùm lời bơta ai lài uă ngan rlau jơh mờ sền dờng màng broă bơtàu tơngguh bơta gĭt gơ̆p lơh bơyô bal dờng ơnàng ngan, tam klăc bal is ồn mờ lơh broă bal tơl làm đah Việt Nam mờ Lào; đơs nền bơta kờñ bal pràn kơldang mờ tơl làm bơh Việt Nam dê gơ wèt mờ broă lơh tam gơl pa, sền gàr mờ bơ̆t bơtàu dà lơgar Lào.

Dơ̆ lòt còp ngan ngồn lơgar Lào mờ lòt Pơrjum dờng Ală Nghị viện AIPA- 45 bơh Củ tịc Quôk hội ồng Trần Thanh Mẫn dê mờ Mpồl Cau ala măt Kwang bàng Kâp dờng Quôk hội lơgar he dê đơs nền gơnoar broă bơh Quôk hội lơgar Việt Nam dê rơcăng lài, jơh nùs tă pơgồp ngan ngồn tàm tơngume AIPA dê; bal mờ hơ̆ kờñ bal lơgar Lào tàm gơnoar broă Củ tịc AIPA; pơgồp bơnah lơh kơ̆ kơl jăp sơlơ tơngguh tai bơta gĭt gơ̆p lơh bơyô bal dờng ơnàng ngan, tam klăc bal is ồn mờ lơh broă bal tơl làm đah bàr Đảng, bàr Dà lơgar, bàr Quôk hội mờ Làng bol bàr lơgar dê.