Củ tịc Quôk hội ồng Trần Thanh Mẫn đơs nền Việt Nam kơ̆ dơn dồ nùs bal bơh bơtàu mờ bơtàu tơnguh bơta gĭt gơ̆p lơh broă bal, lơh bơyô bal mờ lơgar Lo, sền do là gùng dà broă lơh ờ tŭ lơi tam gơl, sồr lơh di pal, sac rơwah broă kwơ màng mờ lơh lài ngan tàm gùng dà broă lơh lơh broă mờ lơgar ndai lơngăp lơngai is, lơh tờm is, ring lơngai, lơh broă bal mờ bơtàu tơnguh, lơh gĭt gơ̆p lơh bơyô bal mờ uă lơgar, lơh uă bơta gĭt gơ̆p lơh broă bal mờ lơgar ndai bơh lơgar Việt Nam dê.

Bè lơh broă bal Nghị viện, Quôk hội Việt Nam mờ Quôk hội lơgar Lo pơn jat tai lơh jat niam gơnoar lơh adat boh lam mờ jat sền tàm broă sơlơ tơnguh tai bơta gĭt gơ̆p 2 lơgar, lơh pràn cribơyai mờng chài lơh broă bè lơh sir kơrnoat boh lam, bơt bơtàu Dà lơgar gơnoar adat boh lam xã hội củ nghĩa bơh bơta đơng lam bơh Đảng dê.