Tàm ù tiah càr Dăk Lăk dê tŭ do geh rlau 13 rơbô 100 mpồl lơh sa kă bro gam lơh broă, gơguh rlau 700 mpồl lơh sa kă bro pơn drờm mờ nam 2023. Ală mpồl lơh sa kă bro tàm càr Dăk Lăk gam jơh nùs tam gơl pa măi mok, sơlơ tơnguh tai blơi phan bơna măi mok pa ngan, rơndăp tăp sèng wơl lơh sa kă bro di pal mờ jơnau sồr bơh drà kă bro dê.

Tàm dơ̆ tơngkah kir sơnrai 20 nam Ngai Cau lơh sa kă bro Việt Nam bal mờ broă kah wơl bơhiàn yau tam pà bal mờng chài lơh broă atbồ, đơng lam, kă bro, ală mpồl lơh sa kă bro kung geh uă nùs nhơm kơ̆p kờñ mờ dan bè broă lơh, broă dong kờl nàng lơh broă geh cồng nha rlau tai. Ồng Huỳnh Văn Dũng, Củ tịc Mpồl lơh sa kă bro càr Dăk Lăk pà gĭt, ală mpồl lơh sa kă bro tàm càr gam kờñ ngan geh ală bơta tàm tơrbŏ bal Dà lơgar dê nàng brồ guh tus drà kă bro ală lơgar.