50 nam bơh ngai geh tơngklàs, Đảng ƀộ mờ Làng bol kơnhoàl Kon Plông neh đòm jăt geh bơhiàn tam klăc bal, bơceh lơh, lơh geh uă cồng nha tàm bơtàu tơngguh lơh sa- mpồl bơtiàn. Jơnau cih sền tàm dơ̆ bơyai lơh đơs loh: “Kon Plông pah ngai tam gơl muh mat, rài kis ngai sơlơ niam bơnĕ. Ngan ngồn là jơh ală cau khin cha jak chài chơ̆t màng lài mờ tŭ chơ̆t phi să tài ƀòn lơgar tờm, dà lơgar ndrờm geh bal dồ jơnau kơ̆p kờñ ngan là Dà lơgar geh lơngăp lơngai is khăt gơboh is, Làng bol hờm ram chờ hờp chờ hờn”.

Đơs tàm dơ̆ bơyai lơh tơngkah kir sơnrai, ồng Lê Ngọc Tuấn, Củ tịc Anih duh broă Làng bol càr Kon Tum, đơs nền: “Tơngkah kir sơnrai 50 nam Tam lơh pha lin Măng Đen, tơngklàs kơnhoàl Kon Plông là tŭ nàng kah wơl bơhiàn kah yau pơnrơ dờng ngan mờ pơñiờ să bè bơhiàn khin cha jak chài. Tàm tơngai kăc màng pa, Tỉñ ủy càr, Mpồl duh broă Làng bol càr, Anih duh broă Làng bol càr, Anih duh broă Mặt trận Dà lơgar Việt Nam càr sùm pin dờn Đảng ƀộ, Ling klàng mờ Làng bol ală jơi bơtiàn kơnhoàl  Kon Plông dê pơn jăt tai đòm jăt bơhiàn lơh gơs niam kơnòl broă cíñ trị geh Đảng mờ Dà lơgar dê jàu”.