Drim ngai 16/10, Mpồl Cau ala mat Quôk hội càr Kon Tum lơh dơ̆ tìp mat mờ cau tĕ khà là đoàn viên, cau lơh broă lài mờ tŭ bơyai lơh pơrjum dơ̆ 8, Quôk hội khoă XV nàng cih dờp ală jơnau đơs, jơnau dan, tus bal tă pơgồp gơwèt mờ 3 rơndăp broă lơh Adat (tam gơl) geh gơrềng rềp mềr ngan tus mờ gơnoar kwơ bơh cau lơh broă dê. Gơwèt mờ jơnau rcang cih Adat Mpồl ala mat cau lơh broă (tam gơl) Mpồl cau ala mat Quôk hội càr Kon Tum dờp geh 6 tơngume jơnau đơs, jơnau dan, tus bal tă pơgồp jơnau đơs bơh đoàn viên, cau lơh broă dê; Jơnau rcang cih Adat lơh broă (tam gơl) mờ jơnau rcang cih Adat tam gơl, bơtơl bàr pe bơta bơh Adat Sră kham sơm kòp ờ sa priă, tơl jơnau rcang cih Adat dờp geh 5 jơnau đơs, jơnau dan tam gơl, bơtơl.

Tơngume ală jơnau đơs, jơnau dan, tă pơgồp bal jơnau đơs bơh đoàn viên, cau lơh broă càr Kon Tum dê gơwèt mờ 3 jơnau rcang cih Adat (tam gơl) ndrờm jat tàm ală bơta geh ngan lơh broă, rài kis pah ngai, bơsram sră, broă lơh, broă dong kờl mờ bơta kơ̆p kờñ jơnau cih bơh Adat dê rềp mềr ngan mờ rài kis. Cribơyai mờ ală cau tĕ khà là đoàn viên, cau lơh broă, ồng Phạm Đình Thanh, Phó Kwang atbồ Mpồl mìng lơh dùl kơnòl broă Mpồl cau ala mat Quôk hội càr Kon Tum cih dờp, đơs là uă jơnau đơs, jơnau dan, tus bal tă pơgồp jơnau đơs bơh đoàn viên mờ cau lơh broă dê là di ngan.