Đơs tàm dơ̆ tơngkah kir sơnrai, ồng Lê Ngọc Tuấn, Củ tịc Anih duh broă làng bol càr Kon Tum kơ̆p kờñ ală mpồl lơh sa kă bro, cau lơh sa kă bro pơn jat tai tă pơgồp tàm broă lơh bơtàu tơnguh bơh càr dê. Càr hơ lơh geh ală bơta niam ngan rlau jơh, ƀuơn ngan rlau jơh ai ală mpồl lơh sa kă bro in bơcri priă mờ bơtàu tơnguh.

Tàm dơ̆ tơngkah kir sơnrai 20 nam Ngai Cau lơh sa kă bro Việt Nam 13/10 mờ bơyai lơh tìp mat bơh bơr mpồl lơh sa kă bro dơ̆ 2 nam 2024, lơh jat srơh pơrlòng “Tàm sơm bat tê bal tơn jơh hìu lơh ing, hìu sèt mìu nhăt” bơh càr Kon Tum dê lam lơh, 13 mpồl lơh sa kă bro mờ Mpồl Cau lơh sa kă bro kơnòm să càr Kon Tum tă pơgồp dong kờl mờr 400 tơlak đong. Di dơ̆ do, Anih duh broă làng bol càr Kon Tum pà sră jờng rơ ai 27 mpồl lơh sa kă bro, cau lơh sa kă bro pơn rơ jak; 23 năcau dồ nă să is pơn rơ jak gơwèt Mpồl Cau lơh sa kă bro pơn rơ jak càr Kon Tum dê chờ hờp dờp sră jờng rơ bơh Anih duh broă Mpồl Cau lơh sa kă bro kơnòm să dà lơgar Việt Nam.