Kwang atbồ Ƀan Nội Chính Dà lơgar ồng Phan Đình Trạc tìp mat mờ cau tĕ khà xã Ninh Gia, kơnhoàl Đức Trọng, càr Lâm Đồng
Thứ ba, 14:17, 08/10/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mho òr (07/10), Kwang atbồ Ƀan Nội cíñ Dà lơgar ồng Phan Đình Trạc bal mờ Mpồl cau ala mat Quôk hội càr Lâm Đồng neh tìp mat mờ cau tĕ khà tàm xã Ninh Gia, kơnhoàl Đức Trọng.
Tàm mờr 40 jơnau đơs bơh cau tĕ khà dê tàm dơ̆ tìp mat, uă ngan đơs tus broă tam pìt tam phà ù tiah đah làng bol mờ ală kông ty, mpồl lơh sa kă bro geh Dà lơgar jàu ù. Jat cau tĕ khà, broă tàm rơndăp rơndồl, tam pìt tam phà ù tiah do neh jŏ jòng gĭt nđờ jơ̆t nam mờ kung gam ờ geh sền gròi mờ bơsong jơh.
Sền gŏ ală broă geh gơrềng tus atbồ, ngui mờ tam pìt tam phà ù tiah tàm xã Ninh Gia gơlik geh kal ke ngan mờ jŏ jòng, ồng Phan Đình Trạc, Ƀí thư Đảng Dà lơgar, Kwang atbồ Ƀan Nội cíñ Dà lơgar sồr kwang đơng lam bồ càr Lâm Đồng mhar kờp sền, bơsong tơn jơh tơl nă cau in ngan ngồn. Gơwèt mờ ală tơngume gơwèt gơnăp gơnoar, Mpồl cau ala mat Quôk hội càr Lâm Đồng rơ̆p geh sră nggal dan mờ Ƀộ Ling klàng mut bơsong bal.
Viết bình luận