Mùl màl, tàm ƀùi drim, Anih duh broă Lơh kơnòl broă sùm Quôk hội cribơyai bè jơnau rơcăng cih Jơnau lơh nền tàm pơrjum Quôk hội dê lơh tơrlòng lài broă lơh glài phan lơh cơng, jơtài tàm ală tŭ lùp khàu, jòi yă, cah rña ală dơ̆ broă, dơ̆ lơh tìs glài kŭp jàm; sền swì broă lơh kwang bàng; ai jơnau đơs bè broă rơcăng pơrjum dơ̆ 08, Quôk hội khoă XV in. Ƀùi mho, Anih lơh broă Lơh kơnòl broă sùm Quôk hội dê ai jơnau đơs bè rơndăp broă lơh Adăt Jơnau yal mờ rơcăng lài tŭ jiơ cribơyai bè bàr pe tơnggume ndai.

Củ tịc Quôk hội ồng Trần Thanh Mẫn đơs sùm pơrjum dơ̆ 08 digơlan bơnah broă dan Quôk hội sền swì, lơh nền uă ngan rlau jơh bơh bồ tơngai lơh broă khoă XV tus tŭ do. Quôk hội rơ̆p sền swì 39 tơngume, tàm hơ̆ geh 29 tơngume bè broă lơh adăt boh lam, 10 mpồl tơnggume bè lơh sa- mpồl bơtiàn, kes priă dà lơgar, jăt sền, kwang bàng mờ lơh nền ală broă kwơmàng ndai gơ wèt gơnăp gơnoar.