Tàm dơ̆ lơh broă, ala mat ală sở, mpồl, gah broă càr Dăk Lăk neh đơs uă kal ke mờ dan mờ Dà lơgar sền sơ wì, tă bơsong kal ke ai bơtàu tơnguh lơh sa, mpồl bơtiàn  càr in tàm tơngai tus. Jơnau dan bè ală kòl yan tàm bơtàu tơnguh lòt nhơl tàm càr dê, ồng Lại Đức Đại, Phó Kwang atbồ Sở Niam chài - Tàp pràn să jan mờ Lòt nhơl càr Dăk Lăk đơs là, ală càr tàm tiah Tây Nguyên, tàm hơ̆ geh càr Dăk Lăk geh uă bơta ƀuơn, bơta pràn nàng bơtàu tơnguh lòt nhơl mpồl bơtiàn, lòt nhơl broă lơh sa - ƀòn lơgar.

Mơya, tŭ do, ờ hềt geh jơnau cih loh làng bè ală bơta tam gơl ù broă lơh sa tus ù lòt nhơl den ală mpồl lơh sa kă bro ờ khin bơcri priă pràn tàm gah do. Tàm dơ̆ lơh broă, ală cau ala mat kung dan uă tơngume geh gơrềng tus gah broă: Broă lơh sa, phan tàm ù tiah, Sră bảo hiểm, sền gàr adat boh lam, ồs đèng... Mpồl cau ala mat Quôk hội càr Dăk Lăk iăt kơno ală jơnau đơs, jơnau dan bơh ală cau ala mat, tơrgùm wơl, tam pà is nàng đơs mờ Quôk hội mờ Ƀộ, gah broă in sền sơ wì.