Pơrjum dờng geh broă tus bal bơh mờr 1 rơbô 400 nă cau ala măt, ala măt ală làng bol, ală jơi bơtiàn, jăt yàng, mpồl ling, làng bol lơgar Việt Nam gam kis tàm lơgar bơdìh.

Pơrjum dờng rơ̆p ring bal jơnau yal tơn jơh bơh Anih duh broă Mặt trận Dà lơgar Việt Nam khoă 09, tơngai lơh broă bơh nam 2019 tus 2024 mờ Broă lơh bơh Mặt trận Dà lơgar Việt Nam khoă 10, tơngai lơh broă bơh nam 2024 tus 2029; Sền wơl broă lơh bơh Anih duh broă, Mpồl Củ tịc mờ Mpồl duh broă sùm Anih duh broă Mặt trận Dà lơgar Việt Nam khoă 09, tơngai lơh broă bơh nam 2019 tus 2024; Tam gơl, bơtơl Jơnau pal jăt Mặt trận Dà lơgar Việt Nam; Cri bơyai broă làng bol pồ Anih duh broă Mặt trận Dà lơgar Việt Nam khoă 10, tơngai lơh broă bơh nam 2024 tus 2029; mờ Ring bal Jơnau lơh nền tàm Pơrjum dờng. Kờp dŭ khà Kwang bàng Anih duh broă Mặt trận Dà lơgar Việt Nam khoă 10 là 405 nă) gơguh 20 nă pơn drờm mờ khoă 09). Khà Mpồl Củ tịc Anih duh broă Mặt trận Dà lơgar Việt Nam khoă 10 là 72 nă (gơguh 10 nă pơn drờm mờ khoă 09).