Mờr 300 nă cau ala măt là kwang đơng lam bồ ală mpồl, cơldŭ tă pơgồp jơnau đơs gah broă lơh mblàng yal mờ bơr gơ wèt Mpồl Tuyên giáo ală Tỉñ ủy càr, Thàñ ủy ƀòn dờng, Đảng ủy gơ wèt kâp Dà lơgar, ală mpồl cíñ trị- mpồl bơtiàn, mpồl ală cau yal jơnau ală kâp tàm jơh gùt lơgar rê pơrjum. Pơrjum lời uă tŭ jiơ yal tơnggĭt jơnau mìng dồ tơngguh me bè broă gơlik geh tàm Aseam, cồng nha bàr pe broă lơh lơh broă mờ lơgar ndai kwơmàng bơh kwang đơng lam bồ Đảng, Dà lơgar mờ ală pơlam gùng dờng bơh broă lơh lơh broă mờ lơgar ndai tàm tơngai tus.

Ồng Phan Xuân Thủy, Phó Kwang ătbồ Mpồl Tuyên giáo Dà lơgar sồr tàm tơngai tus, ală Mpồl Tuyên giáo ală Tỉñ ủy càr, Thàñ ủy ƀòn dờng, đảng ủy bal mờ cau yal jơnau ală kâp tơrgùm mblàng yal jrô ơnàng làm uă tàm kwang bàng, đảng viên mờ ală rơnàng làng bol bè ală cồng nha lơh geh geh kwơ gơ wèt mờ bơta bơtàu tơngguh dà lơgar dê; tơngkah broă lơh mblàng yal Jơnau sồr sồ 35 ngai 14/06/2024 bơh Ƀộ Cíñ trị dê bè Pơrjum dờng Đảng ƀộ ală kâp wèt tus Pơrjum dờng cau ala măt gùt lơgar dơ̆ XIV bơh Đảng dê kung kờñ pal geh lơh broă rơndăp lơh niam nàng mblàng yal, ngan là broă ai jơnau đơs bơh kwang bàng, đảng viên mờ làng bol dê bè jơnau rơcăng cih ală sră nggal jun sền tàm pơrjum dờng.