Yal tàm dơ̆ lơh broă, Atbồ Anih duh broă Jơi bơtiàn ồng Hầu A Lềnh pà gĭt, broă lơh jơi bơtiàn mờ lơh jat broă dong kờl jơi bơtiàn tàm tơngai pa do neh lơh geh uă cồng nha kwơ màng bè cíñ trị, lơh sa, niam chài, mpồl bơtiàn, sền gàr dà lơgar, lơngăp lơngai, lơh broă mờ lơgar ndai; hòi jà tă pơgồp geh bơta pràn tam klăc bal ală jơi bơtiàn tă pơgồp ai broă lơh bơt bơtàu mờ sền gàr Dà lơgar.

Đơs pơndŭt dơ̆ lơh broă, Phó Thủ tướng Duh broă sùm ồng Nguyễn Hòa Bình sồr tàm tơngai tus Anih duh broă Jơi bơtiàn pơgồp bal niam mờ ală Ƀộ, gah broă geh gơrềng pal lam lơh mhar, di tŭ ală Jơnau neh lơh nền broă dong kờl ai tiah làng bol jơi bơtiàn dồ ết nă cau mờ tiah kơh bơnơm in. Pal lơh ƀuơn ngan ală sră nggal nàng ƀuơn lơh, ƀuơn ngui tàm lam lơh ală Jơnau neh lơh nền, broă lơh dê. Tàm broă ai priă jền ai ală rơndăp broă lơh pal geh bơta sền gròi di pal gơwèt mờ tiah jơi bơtiàn dồ ết nă cau mờ tiah kơh bơnơm.