Tàm pơrjum, Thủ tướng đơs sùm, Rơndăp broă “Bơtàu tơnguh kơl jăp 01 tơlăk lồ ù lơh sre tam kòi bơkah, tơlik nhơm ƀơ̆ ờ uă pơgồp bal mờ gơguh lơh sa tơlir tiah ring dà dờng Cửu Long tus nam 2030” geh Thủ tướng Cíñ phủ kĭ nhai 11 nam 2023 tus tŭ do neh lơh geh mờr 01 nam.

Do là Rơndăp broă geh kwơ màng ngan gơwèt mờ làng bol lơh broă sa tàm tiah ring dà dờng Cửu Long dê, mờ gah lơh gơs phan kă bro kòi phe bal mờ kơnòl rơcang pleh mờ tam gơl trồ tiah, wèt tus jơnau kờñ lơngăp lơngai tềng đăp mờ rềs àr bơh trồ tiah, tơmù nhơm ƀơ̆ lơh duh plai ù, ai geh khà nhơm ƀơ̆ rê ndrờm “0” di jăt jơnau hơ bơh lơgar Việt Nam dê tàm Pơrjum COP26. Tàm pơrjum do, Thủ tướng sồr ală kwang bàng tơrgùm bơta ngăc ngar, bơta pràn; yal jơnau yal, geh jơnau đơs di pal, loh làng, đơs song tàm broă lơh; ai geh ală kơnòl, broă lơh nàng bơyai lơh tàm tơngai tus nàng lơh geh jơnau geh ai; gàr di tơngai, bơta niam bơh Pơrjum neh ai.