Đơs tàm do, Thủ tướng ồng Phạm Minh Chính jờng rơ uă ngan ală pơnđơl pràn mờ cồng nha neh lơh geh bơh Anih Kơlôi sơnơng bơsram Cau ùr Việt Nam đơs is mờ Mpồl Tam klăc cau ùr Việt Nam đơs bal, tă pơgồp ai broă lơh tài bơta gơguh jak bơh cau ùr mờ đơs nền gơnoar is ồn kwơ màng bơh cau ùr Việt Nam dê tàm broă lơh bơt bơtàu mờ sền gàr Dà lơgar. Mut tàm rài pa- rài brồ să bơh jơi bơtiàn, Thủ tướng sồr, Cau ùr Việt Nam pal pơn jat tai lơh jat niam rlau tai bơhiàn dờng màng; pơn đơl pràn lơh ngan sơr lèt gan kal ke, bơta lòng; sùm tam klăc bal, tă pơgồp bal bơta pràn, dùl nùs bal, mờ nùs nhơm, bơta chài, bồ tơngoh, nùs nhơm kờñ gơboh kòn bơnus, mờ nùs nhơm jơh nùs uă ngan, bal mờ jơh gùt lơgar pơnđơl pràn lơh ngan lơh jat geh cồng nh ală jơnau kờñ, kơnòl broă bơtàu tơnguh lơh sa- mpồl bơtiàn neh geh ai.

 Thủ tướng sồr, Anih kơlôi sơnơng bơsram Cau ùr Việt Nam pơn jat tai đòm jat niam bơhiàn niam bơnĕ mờ ală cồng nha neh lơh geh; jat nền tàm gơnoar broă mờ bơta kwơ tờm ngan: “Tam klăc bal; Tơryang tơryồng; Bơceh lơh; Cồng nha niam”;  Lơh ngan lơh jat  nùs nhơm cíñ trị uă rlau tai, tam gơl pa pràn kơl dang rlau tai; sùm rcang lài, bơceh lơh, lơh sir jak ngan ală jơnau kờñ bơtàu tơnguh mờ broă rơndăp lơh neh geh ai.