Tơnơ̆ dơ̆ Bơyai lơh wă rò tơn, Thủ tướng Cíñ phủ ồng Phạm Minh Chính pin dờn dơ̆ lòt còp bơh Thủ tướng lơgar Lo dê rơ̆p lơh geh cồng nha niam bơnĕ; ai gĭt gơ̆p 2 gah ngai sơlơ geh cồng nha, ngan ngồn, jrô ơnàng mờ tơl làm; pơgồp bơnah tàm ring lơngai, kơ̆ kơl jăp mờ lơh broă bal, bơtàu tơngguh tàm kơnhoàl ù tiah do mờ tàm dunia.

Bè lơh broă bal tàm tơngai tus, bàr nă Thủ tướng dồ nùs bal lam lơh geh cồng nha ală jơnau gĭt wă bal bơh Kwang đơng lam bồ kâp dờng ngan rlau jơh bơh bàr Đảng, bàr lơgar dê; pơn jăt tai lơh kơ̆ kơl jăp pin dờn cíñ trị, lơh sùm tìp măt kâp dờng mờ ală kâp; lơh pràn ală mpồl tìp măt lơh kwèng, lơh broă bal, ai tơl bơta lơh broă bal ngan ngồn tàm ală broă tờm, sơlơ tìp măt lơh kwèng bal làng bol, lơh kơ̆ kơl jăp bơnàng jă mpồl bơtiàn kơnhăp ai bơta bơtàu tơngguh bơh gĭt gơ̆p đah Việt Nam mờ Lo in; pơn jăt tai lơh broă bal kơ̆ kơl jăp mờ tàm dong kờl bal mờ gơ̆p tàm ală dơ̆ mpồl, pơrjum bơyai uă gah; lơh broă bal ătbồ niam tiah nhàr lơgar tàm ù gờl.