Jăt rơndăp ù tiah neh geh kĭ, tiah ring dà dờng Cửu Long geh 06 gơl gùng rơndeh ntoăt mhar mờ kờp jơh bơta jòng di pơgăp 1 rơbô 188 kơi sồ. Wèt tus jơnau kờñ tơnơ̆ nam 2025, gùt tiah Ring dà dờng Cửu Long rơ̆p geh di pơgăp 548 kơi sồ gùng rơndeh ntoăt mhar geh ai ngui mờ tus nam 2030 là 763 kơi sồ.

Đơs tàm pơrjum Thủ tướng ồng Phạm Minh Chính sơn-io loh, tiah Ring dà dờng Cửu Long geh uă bơta kwơ, mơya phan bơna kwơ màng tŭ do gam gơtìp uă ngan kal ke, tàm hơ̆ uă ngan là phan bơna gùng lòt, lơh gơrềng bal tus broă pơn diang phan kă bro rơ̆p gơtìp kal ke, gơguh priă Logistic, gơmù bơta pràn tàm pơrlòng bơh phan kă bro dê. Thủ tướng sồr ală cau ala măt pơgồp bal jơnau đơs tus song tàm tơngu me, ai tơngŏ loh làng bơta gơkòl, geh anih nàng bơsong, broă lơi lơh jăk niam den ngui, ai geh jơnau bơsram broă lơh mờng chài nàng lơh geh uă; sồr jờng rơ ală cau, mpồl lơh broă lơh jăk, ală cau, mpồl lơh broă lơi sa kuề, sa koà den pal geh kơrian mơ nền nòn.