Tàm dơ̆ tìp mat, Thủ tướng ồng Phạm Minh Chính đơs sùm bơta kwơ màng bơh broă lơh pràn lơh broă bal lơh sa, bơta tờm ngan bơh bơta gĭt gơ̆p 2 lơgar dê, sơlơ tơnguh tai lơh bal lơh sa, lơh broă bal gàr niam lơngăp lơngai lơh sa; sơlơ tơnguh tai bơta gơguh jak ală rơndăp broă lơh kwơ màng; jơnau hơ pơn jat tai lơh geh ală bơta ƀuơn ai rlau 2 rơbô mpồl lơh sa kă bro lơgar Nhờk in lơh broă bal bơcri priă mờ kă bro geh kwơ bal tàm lơgar Việt Nam.

Thủ tướng sồr lơgar Nhờk sền sơwì ai lơgar Việt Nam in ală bơnah càn priă ODA pa ai ală rơndăp broă lơh bơtàu tơnguh phan bơna kwơ màng, gùng rơndeh ồs tiah drà, gùng rơndeh ồs lòt mhar ngan. Thủ tướng kung sồr rề ơnàng lơh broă bal tus gah broă pa bè tam gơl sồ, bồ tơngoh kòn bơnus lơh gơlik is; lơh jrô ơnàng lam uă rlau tai lơh broă bal lơh broă, bơto bơtê mpồl cau lơh broă jak; sơlơ tơnguh tai lơh broă bal ală tiah, tìp mat lơh kwèng làng bol 2 lơgar; kơ̆p kờñ lơgar Nhờk pơn jat tai geh ală broă dong kờl pơn jờng, dong kờl cau Việt Nam tàm lơgar Nhờk.