Tàm dơ̆ tìp mat, Thủ tướng ồng Phạm Minh Chính neh yal tus mờ cau tĕ khà ƀòn dờng Cần Thơ in bè bơta lơh sa mpồl bơtiàn dà lơgar 9 nhai do, ală broă lơh broă mờ lơgar ndai bơh Dà lơgar dê.

Thủ tướng neh hơ ală mpồl jơnau lùp mờ cau tĕ khà dê neh lùp ngan là bè rơndăp broă lơh 1 tơlak bă ù mìng lơh kòi bơkah ngan, sang phan bơ̆; lơh niam wơl ƀlàng rơndeh par Cần Thơ, Cà Mau, Phú Quốc, lơh anih ơhò ơm Cái Cui, bơto bơtê mpồl cau lơh broă jak bơh tiah ring dà dờng Cửu Long. Mờ gơnoar broă là ala mat Quôk hội bơh ƀòn dờng dê, Thủ tướng sùm iăt kơno jơh ală jơnau đơs tă pơgồp, bơta kơ̆p kờñ bơh ală kwang bàng, làng bol, cau tĕ khà dê, jơnau đơs bơh kwang đơng lam bồ Đảng ƀộ Cần Thơ; sùm kơlôi sơnơng lơh jơh bơta pràn he dê nàng pơgồp bơnah tàm bơta bơtàu tơnguh pas gơs bơh ƀòn dờng Cần thơ dê đơs is mờ jơh gùt lơgar đơs bal.