Yal wơl ală cồng nha kwơ màng tàm bơtàu tơnguh bơh ƀòn dờng Hà Nội dê 9 nhai nam 2024, Thủ tướng Cíñ phủ jờng rơ, tàm ală cồng nha bal hơ̆, geh bơta tă pơgồp bal jơh nùs bơh mờr 700 nă cau krơh niam pơn rơ jak, “Cau niam, broă niam” pơn rơ jak, ala mat gĭt nđờ jơ̆t rơbô nă cau dồ nă să “Cau niam, broă niam”, bơh càr lơgar dê, is ồn là 10 nă cau pơn rơ jak geh jờng rơ “Làng bol càr lơgar jak” nam 2024.

Jat thủ tướng, jờng rơ cau pơn rơ jak ngan, “Cau niam, broă niam”, mờ jờng rơ “Làng bol càr lơgar jak ” nam 2024 là broă lơh sơlơ geh gơtha ngan ngồn tŭ geh bơyai lơh tàm dơ̆ tơngkah kir sơnrai 70 nam ngai Tơngklàs càr lơgar, là broă lơh pơndờm pơnđiang, jờng rơ ală cau dồ nă să geh cồng nha jak ngan tàm ală gah, lơh krơh niam nàng tơl nă cau in đòm jat bal, geh làng bol càr lơgar mờ làng bol jơh gùt lơgar dồ nùs bal kờñ.