Jơh nùs kun bồ tềng đăp rùp hin ală cau ling khin cha jak chài, cau ling chơ̆t màng, Tổng Ƀí thư, Củ tịc lơgar ồng Tô Lâm mờ mpồl lơh broă tơngŏ nùs nhơm gĭt ưn ngài ờ gĭt lơh, bơta kah kơlôi uă ngan gơwèt mờ dà kơl hề dờng màng bơh ală cau ling khin cha jak chài, cau ling chơ̆t màng neh pơdơng jơh rài kơnòm să, khin cha jak chài tam lơh, chơ̆t phi să tài lơngăp lơngai is, khat gơboh bơh Dà lơgar dê.

Jơh nùs chu ñàng kah kơlôi tus Tổng Ƀí thư lài do ƀồc ồng Lê Duẩn tàm Tiah lời kir sơnrai tàm thôn Hậu Kiên, xã Triệu Thành, kơnhoàl Triệu Phong, Tổng Ƀí thư, Củ tịc lơgar ồng Tô Lâm mờ mpồl lơh broă tơngŏ nùs nhơm gĭt ưn ngài mờ kah kơlôi uă ngan tềng đăp ală dà kơl hề dờng ngan bơh Tổng Ƀí thư lài do ƀồc ồng Lê Duẩn dê gơwèt mờ broă lơh tơngklàs jơi bơtiàn; tơrgùm dùl Dà lơgar.

Cih jơnau lời kir sơnrai tàm sră lời kir sơnrai, Tổng Ƀí thư, Củ tịc lơgar đơs loh: “Jơh rài kis mờ broă lơh bơh ƀồc ồng Lê Duẩn dê neh tă pơgồp ai broă lơh tơngklàs jơi bơtiàn mờ bơt bơtàu củ nghĩa xã hội, bơtàu tơnguh dà lơgar Việt Nam. Ală dà kơl hề tă pơgồp dờng màng bơh ƀồc ồng Lê Duẩn dê neh lơh àng sơdah Dà lơgar Việt Nam mờ gam sùm sùm tàm kah yau dờng màng mờ dờng màng bơh jơi bơtiàn dê”.